Co fin de avaliarmos as necesidades de persoas formadoras e usuarias de TIC pouco cualificadas e poder preparar cursos de aprendizaxe en liña eficaces utilizando metodoloxías atractivas, prepararanse cuestionarios para profesorado e alumnado. A continuación, levarase a cabo unha análise dos cuestionarios para recollermos indicacións sobre os problemas cos que se enfronta o profesorado e o alumnado e as súas necesidades de ensino e aprendizaxe. Tamén se realizará unha análise das boas prácticas en metodoloxías de aprendizaxe en liña en relación ás metodoloxías empregadas en todos os países, que estará dirixida a todas as partes interesadas, incluídas aquelas que non están directamente implicadas no proxecto. Ao final, compartiranse os resultados dos cuestionarios e as boas prácticas por parte dos socios e prepararase un informe que saliente as metodoloxías máis efectivas, que serán empregadas para a formación e-learning dos itinerarios formativos relacionados coas 4 áreas de aprendizaxe definidas. O estudo realizado tamén permitirá identificarmos procesos correctos para o desenvolvemento de accións formativas noutras áreas de actividade, pois as necesidades e problemas que xorden para poder seguir un curso de E-learning de maneira efectiva son detectados polas persoas aprendizas.

Con relación ao informe que contén as dificultades que enfronta o profesorado a nivel metodolóxico e o alumnado con dificultades no uso das TIC e/ou multimedia para completaren cursos realizados só en modo de aprendizaxe en liña, os socios elaborarán metodoloxías para a realización de cursos piloto que, ao empregaren as boas prácticas existentes, poderán superar as dificultades atopadas na realización dos cursos. Prepararase, polo tanto, un curso de formación para cada unha das catro áreas de formación consideradas. Tamén se elaborará un formulario que conteña os métodos para resolver as principais dificultades técnicas encontradas no uso da plataforma, tamén en relación coas solicitudes que poida facer o alumnado durante as leccións. Realizarase unha análise das necesidades do profesorado e do alumnado para proporcionarmos formación en liña que permita aos adultos con baixas habilidades informáticas superaren as dificultades de integración e socialización nas comunidades en liña. O estudo realizado tamén permitirá identificar procesos exemplares para o desenvolvemento de actividades de formación noutras áreas, pois son as persoas aprendizas as que detectan as necesidades e problemáticas que xorden para seguiren de forma efectiva un curso en liña. As actividades serán coordinadas por Kainotomia e MDCD de Modi’in.

O desenvolvemento das directrices para os itinerarios formativos de e-learning, especialmente no que se refire á participación de alumnado con escasas competencias informáticas, basearase en primeiro lugar na experimentación dos itinerarios e na súa avaliación. A realización das directrices desenvolverase nos últimos meses de vida do proxecto, durante os cales se realizarán modificacións/adicións de acordo á avaliación. As directrices son innovadoras porque teñen como obxectivo ofrecer novas metodoloxías para docentes que tiveron que modificar os seus métodos de formación para acomodar a aprendizaxe en liña durante o período de suspensión das clases presenciais pola pandemia. As directrices tamén poden ser utilizadas para o desenvolvemento de programas de capacitación utilizando unha metodoloxía mixta (en liña e presencial) e tamén poden adaptarse ao desenvolvemento de actividades de capacitación en áreas non cubertas polo proxecto.